صينية بطاطس باللحمة المفرومة فى الفرن

-ثلاث حبات بطاطس كبار او علي حسب عدد العيله مقطعه طرنشات بس مش تخينه اوي عشان تستوي بسرعه
2-ثلاث حبات طماطم كبار متقطعه طرنشات برده
3-3حبات بصل كبار متقطعه طرنشات
4-اربع قرون فلفل رومي طرنشات وممكن كمان شطه حاميه حسب الرغبه
5-لحمه مفرومه متعصجه
-شبت وكسبره وبهارات ملح وفلفل وكمون وعصير طماميتين و5فصوص توم مفروم وزيت
الطريقه:
1-نجيب الصينيه ونبدا نرص حلقات بصل ونرش عليها شويه ملح وفلفل مش كتير لاننا هنعمل كده في كل طبقه
2-بعدين نرص حلقات بطاطس وشويه كمون وملح وفلفل وبعدين طبقة طماطم ونفس البهارات وبعدين طبقة فلفل رومي وشوية فلفل حامي وبعدين اللحمه المعصجه وشوية شبت وبعدين نكرر الرصات بصل ثم بطاطس وشبت وشوية ثوم وبعدين طماطم ثم فلفل وبهارات في كل طبقه ونوازن الملح وبعد ما نخلص الطبقات نجيب عصير الطماطم ونصبه فوق الصينيه مع ملعقتين زيت وعلي الفرن علطووووووووول لو عاوزنها تستوي بسرعه يبقي نغطيها بورق فويل ولما تقرب تستوي نكشفها لحد لما تتحمر الوش وتشرب ميتها وبجد بتكون تحففففففففففففففففففففففه