A7labeet
عدد المساهمات : 11990
تاريخ التسجيل : 20/05/2010
  |  موضوع: حوار بين اثنين سمعهم تقيل جدا واقفين في اتوبيس #@#  الخميس 19 أغسطس 2010, 3:02 am | |
| اتنين سمعهم ثقيل جداً واقفين على محطة الاتوبيس ودار بينهم الحوار التالي :
الأول : الاتوبيس ده بيروح مــصر الجديدة؟
الثاني : على الحديدة !!... ليه انت طالب احسان ؟
الأول : بذرة الكتان !! لا ..دي تلاقيها عند العطار
الثاني : جزار!! اه ..قوللي كده .. عايز تشتري لحمة
الأول : معك حق.. الدنيا زحمة ..علشان ده ميعاد خروج الموظفين
الثاني : نور الدين !! لا والله .. ماعرفوهش
الأول : ما بتشربوش!! ليه ..كفا الله الشر
الثاني : رأس البر !!! ..ده مــصيف هادي
الأول .: عايز تركب للمعادي... دي منطقة جميلة
الثاني : بليلة !! انت شكلك كده جعان
الأول : عيان!!! أي والله .انت باين عليك عيان ..طيب ما تروح للدكتور
الثاني: الحنطور!! ده احسن من الأتوبيس ، وبيوصلني لحد الباب
الأول : هبــــاب !!! وانا اللي كنت فاكرك محترم
الثاني : اتخـرم !! هو مين ؟؟
الأول : عاوز اسـبرين ! ليه انت عندك صداع ؟
الثاني : قراع !!! ينهار اسود . ده مرض خطير
الأول : فطير !!! لا والله مش عايز. وبعدين مش بأحب الفطير. تقيل على المعدة وتمنه غالي
الثاني: خالي !!! انت تعرف خالي ؟ ده راجل كبير في السن
الأول : الجن !!! نهارك مش فايت ..انت عليك عفريت .!؟
الثاني : لا والله ..ممعاييش.. انت عايز الكبريت ليه ؟ عايز تولع؟
الأول : أدلع !!! أدلع عليك انت!؟ انت ما تملاش عنيا
الثاني :يقبضوا عليا !! ليه !؟
الأول : انت غريب يا راجل انت..شكلك شحات ، ( يدفعه من القميص) روح اشتغل شغلة تاكل منها عيش
الثاني : خيش !!! والله ده صوف انجليزي
الأول: بنتك زيزي !!! ربنا يخلي...
الثاني : أنتاج محلي !!!! ده مستورد
يمر شاويش من بتوعنا ... يلفت انتباه الحوار، : بتعمل ايه يا جدع منك له!!!
الاتنين: ايوة يا شاويش ...احنا مستنين الأتوبيس |
|
ملكة الممكلة
عدد المساهمات : 13
تاريخ التسجيل : 30/04/2011
العمر : 34
| | موضوع: رد: حوار بين اثنين سمعهم تقيل جدا واقفين في اتوبيس #@# السبت 30 أبريل 2011, 3:25 pm | |
| |
|
nour
عدد المساهمات : 2417
تاريخ التسجيل : 16/06/2010
| | موضوع: رد: حوار بين اثنين سمعهم تقيل جدا واقفين في اتوبيس #@# الأحد 29 مايو 2011, 1:52 pm | |
| |
|
