¨™¤¦¤™¨بيوتى سنتر ل البنات وبس \\مـتـجدد¨™¤¦¤™¨

$¨™¤¦¤™¨بيوتى سنتر ل البنات وبس \\مـتـجدد¨™¤¦¤™¨ 568585307$

التوبيك دة هيبقى مخصوص لكل ما يخص جمال المرآة يعنى بقى مسكات \ نصائح \عناية

وان شاء الله المشاركة الأولى هتبقى فهرس للموضوع كلة وياريت اللى عاوز يشاركنا بمعلومات يتفضل شاكرا

أتمنى ان الموضوع يعجيكم ويكون مفيد لينا كلنا

فهرس المشاركات

1-نصائح لوقاية البشرة أثناء فترة الشتاء

2-مشاكل البشره فى فصل الشتاء وعلاجها"

3-علاج حب الشباب

4-[size=21]علاج تساقط الشعر[/size]

[size=21]5-جمالك بالتمر[/size]

6-علاج لقشرة الشعر

7-العناية بالقدمين

8-أسئلة متنوعة تجيب عليها خبيرة تجميل

9-العناية بالأظافر

10-لجمال اسنانك

11-لحمال شفتيك

$¨™¤¦¤™¨بيوتى سنتر ل البنات وبس \\مـتـجدد¨™¤¦¤™¨ 779660874$ نصائح لوقاية البشرة أثناء فترة الشتاء $¨™¤¦¤™¨بيوتى سنتر ل البنات وبس \\مـتـجدد¨™¤¦¤™¨ 779660874$

طبعا أنتى عارفة إن انخفاض نسبة الرطوبة في فصل الشتاء يؤدي إلى زيادة جفاف البشرة سواء بشرة الجسم أو الوجه وبالتالي حدوث مشاكل كتير زي مثلا ظهور قشور بيضاء في بعض أجزاء الجسم أو إنك تحسي إن بشرتك لونها باهت وغير حيوي بالإضافة إلى تعرض البشرة للجفاف وظهور التشقق في بعض أجزاء منها زي اليدين والوجه والرجلين..

علشان كده هقول لك دلوقت على شوية نصائح هتساعدك على العناية ببشرتك في فصل الشتاء...

النصيحة الأولى:
بلاش صابون

النصيحة الأولى اللي لازم تاخدي بالك منها هي إنك تبعدي نهائيا عن استخدام الصابون ومش قصدي هنا إنك تبعدي عن كل أنواع الصابون لا قصدي إنك تبعدي عن الصابون اللي بيحتوي على روائح معطرة لأنه بيساعد على زيادة جفاف الجسم..
علشان كده عايزاكى طووول الشتاء تستخدمي صابون الأطفال لأن ده بيكون فيه مواد مغذية وملطفة للجسم وبتعوض الجسم عن الجفاف اللي ممكن يتعرض له نتيجة عوامل الجو.

النصيحة التانية:
لا للمياه الساخنة

اللي هتشوف كلمة "لا للمياه الساخنة" دي هتقول إيه ده معقول حد يقدر يعيش من غير ما يستخدم الماء الساخن
شوفي يا قمر في حقيقة كتير مننا مش عارفها وهي إن الماء الساخن مضرة جدا للجسم وهي اللي بتساعد على جفاف الجلد وبالتالي بتساعد على تشققه علشان كده ياريت تستخدمي في الشتاء مياه فاترة.

النصيحة الثالثة:
نشفي بشرتك بفوطة ناعمة
أكيد كلنا بنتعرض للميه كل شوية يعني علشان الوضوء أو غسل الأيدي مثلا، وعلشان كده عايزاك تبقي ذكية وكل ما تعرضي بشرتك للميه تنشفيها بالراحة بفوطة ناعمة وبأكد كلامي فوطة ناعمة، واوعي تسيبيها من غير ما تنشفيها لأن ده هيزود جفافها ويعرضها للتقشف.

وفيه حاجة كمان حلوة ممكن تعمليها وهي إنك تدلكي إيدك ووشك بأي كريم مرطب بعد ما تغسليهم، وكمان عايزاك تاخدي بالك من حاجة مهمة قوووي وهي إنك ماتغسليش وشك أو تستحمي مثلا وتخرجي في الهواء البارد على طول، لا اقعدي في البيت لمدة ساعتين وبعد كده اخرجي.

النصيحة الرابعة:
ماتكتريش من الماكياج

دي نصيحة مهمة قوي لازم تاخدي بالك منها في الشتاء وهي إنك ماتكتريش من وضع الماكياج خاصة "كريم الأساس والبودرة" علشان ما تظهرش حبوب أو بثور سوداء في بشرتك وده لأن مسام الجسم بتتنفس بصعوبة شديدة في الشتاء..

النصحية الخامسة :
اشربي سوائل على قد ما تقدري

كتير مننا بيقلل من شرب السوائل في الشتاء بالرغم من إن السوائل دي مفيدة جدا للجسم وده لأنها بتساعد على ترطيب الجسم من الداخل إلى الخارج علشان كده ياريت تكتري من شرب السوائل زي الماء والعصائر الطازجة طبعا والفواكه اللي فيها فيتامينات زي "البرتقال واليوسفي"، لأن كل الحاجات دي هتغذي البشرة وهتبعد عنها الجفاف.

مشاكل البشره فى فصل الشتاء وعلاجها"

المشكله الاولى:
هى جفاف جلد الجسم

أكيد كلنا في الشتاء بعد ما بناخد دش بنحس إن جلدنا بقى جاف قوي ومش بيلمع..

والحل يا ستي إنك تدلكي جسمك قبل الاستحمام بربع ساعة بزيت زيتون وبعد كده خدي الدش بتاعك عادي بس ياريت بعد ما تخلصي الاستحمام بالماء الفاترة تاخدي دش تاني بماء باردة وبعد ما تخلصي الدش نشفي جسمك بفوطة ناعمة وبعد كده ابدأي في وضع كريمات مرطبة على جسمك وهتشوفي الفرق بنفسك.

المشكلة التانية:
جفاف جلد الوجه

برضه أكيد ساعات بتلاقي بشرة وشك في الشتاء مشدودة وجافة وبتجربي كريمات كتير وبرضه مفيش فايدة..

والحل هو إنك تجربي أي ماسك يعجبك من الماسكات دي وتتخلصي من المشكلة دي نهائي..
ماسك الزبدة لعلاج جفاف البشرة :

المكونات : • معلقة صغيرة زبدة
• معلقة كبيرة ماء

الطريقة:اخلطي ملعقة صغيرة من الزبدة مع ملعقة ماء وقلبيهم مع بعض كويس وبعد كده ادهني بيها وشك لمدة ربع ساعة وبعد كده اغسلي وشك بالماء الفاترة وكرري الماسك ده مرتين في الأسبوع وهتشوفي الفرق بنفسك.

ماسك العسل بالليمون:

<BLOCKQUOTE>[size=21]والماسك ده بالإضافة إلى إنه بيساعد على علاج مشكلة جفاف البشرة كمان بيساعد على ترطيب البشرة وزيادة نعومتها..
</BLOCKQUOTE>
<BLOCKQUOTE>المكونات :

</BLOCKQUOTE>
<BLOCKQUOTE>ملعقة كبيرة عسل نحل

• ملعقة كبيرة عصير ليمون
• ملعقة كبيرة خميرة بيرة
• ملعقة مياه دافئة

الطريقة:أذيبي الخميرة في مياه دافئة لغاية ما تبقى عجينة بعد كده ضيفي إليها ملعقة عسل واخلطي المقادير دي مع بعضها بعد كده ضعي الماسك على وشك وسيبيه لمدة خمس دقائق لغاية ما تلاقي إن الماسك ده بدأ يجف، وبعدين هاتِ ملعقة فيها ليمون وبللي بها قطعة قطن وبعد كده مرري قطعة القطن دي على وشك وبعد مرور خمس دقائق اغسلي وشك بالماء الفاترة وبعدين بماء باردة وكرري الماسك ده مرة كل أسبوع وهتشوفي الفرق بنفسك.

</BLOCKQUOTE>[/size]

علاج حب الشباب

يجب –أولا- معالجة الأسباب التي تؤدي إلى زيادة إفراز الدهون بالبَشْرة؛ وذلك عن طريق عمل نظام غذائي يتم فيه الامتناع عن تناول الدهون والإقلال من النشويات والسكريات؛ حيث إن كليهما يتحول في الجسم إلى مواد دهنية؛ وذلك لأن تناول الدهون يحفز الغدة الدهنية الموجودة عند بصيلة الشعرة على إفراز الدهون؛ وهو ما يُكسب البَشرة المظهر الدهني، وتكون عرضة للحبوب.

ويُنصح بتناول بعض الأعشاب كالحلبة والجرجير والشيكوريا، وأيضا الإكثار من البصل والثوم؛ فمثل تلك النباتات تساعد على إعطاء البشرة مظهرا صحيا.

وعن الأقنعة المختلفة التي يمكن تحضيرها في المنزل:

- يمكن تحضير ورق الكرنب وتركه يغلي بشدة، ثم تؤخذ مياه الغلي، وتُستخدم كغسيل للوجه على مناطق الحبوب والبثور؛ وذلك باستعمال قطعة قطن مبللة بهذا الغسيل، وتمريرها على الوجه، ويمكن حفظه في الثلاجة لاستخدامه أكثر من مرة، وهذا الغسيل يؤدي إلى القضاء على البثور.

- أقنعة الخيار والزبادي أو عصير الليمون، كما يمكن استعمال الثوم، وذلك بعد تقطيعه قطعاً صغيرة، ووضعه على البثور أو الحبوب، ورغم أنه مؤلم قليلا إلا أنه يعطي نتيجة جيدة جداً، ومثل هذه الأقنعة تستخدم مرتين يومياً صباحا ومساءً.

- غسول البابونج: قبضة صغيرة من نبات البابونج تضاف إلى كوبين من الماء الساخن لدرجة الغليان لمدة 20 دقيقة، ثم تصفى، ويلطخ بالسائل البثور مرتين يوميا.

- قناع الجزر: بشر الجزر دون تقشير مع إضافة ليمونة لمدة نصف ساعة، ووضعه على البشرة، وهو يضفي على البشرة صفاءً و لوناً نضرا، كما يزيل جميع التجاعيد والبثور، ويقضي على الشوائب التي تعتلي البشرة الدهنية.

- وهناك قناع آخر يساعد على إزالة آثار الحبوب: فنجان من عصير الرمان + ملعقة صغيرة من الخل، وتلطخ بهذا المزيج البثور عدة مرات يوميا .

مع أطيب التمنيات ببشرة نضرة و صحية .

علاج تساقط الشعر

1-عصير البصل: تدلك فروة الرأس بعصير البصل فانه سريع في ظهور الشعر ويمنع التساقط .
2. زيت الخروع: يؤخذ زيت الخروع ويمزج في قارورة نصفها خل ويدهن فروة الرأس بهذا المزيج يوميا
3. الجزر: أكله يقوي الشعر وشرب عصيره كذلك.
4. الخل: يغمس المشط بخليط من الخل وضعفه من الماء ويمشط فيه الشعر لمدة أسبوع لتقوية أصول الشعر.
5. الخيار: يؤكل الخيار للمحافظة على جمال الشعر لوجود الكبريت فيه .
6. زيت الزيتون: يدهن الرأس به ليلا ويغطى ويغسل صباحا ويكرر ذلك لمدة(10 أيام) وذلك لتقوية الشعر وإنباته.
7. اللبن: يساعد في نمو الشعر ويبطىء في ظهور الشيب وذلك ياكل اللبن الرائب مع (3) ملاعق خميرة يوميا .
8. الليمون: يدلك الشعر بالليمون فيوقف تساقط الشعر بسرعة .
9. ماء الملح : يدلك الرأس بماء الملح لحفظ الشعر وتنشيط نموه .
10.عصير الثوم : خذي فصين من الثوم واعصريهما واستعملي العصير الناتج في دهان فروة الراس كل مساء بصفة يوميه

لا يعد التمر كنز لصحتك فحسب بل لجمالك نصيب كبير
ولاسيما بشرتك وشعرك
فالتمر يؤخر الشيخوخه
ويقضي على جفاف البشره والتجاعيد
ويعالج سقوط الشعر واجهاد العينين والتهاب الاغشية المخاطيه
لتجويف الفم والتهاب الشفتين ويشفي من الالتهابات الجلديه

قناع التمر لتغذية البشره :
انقعي بضع تمرات في ماء دافئ حتى يصير قوامه ليناً
ثم اعجنيها جيدا ووزعي القناع على بشرتك واتركيه حتى يجف
ثم اشطفي بشرتك بالماء الفاتر
بهذه الطريقة تكوني قد قمت بتغذية بشرتك بالعديد من الفيتمينات والاملاح المعدينه الازمه لنظاره البشره واشراااقها

قناع التمر بالحليب لتنظيف البشره العميق
هذي الخلطه قديمه جدا للتنظيف العميق للبشره
ضعي 3 تمرات كبيره الحجم في برطمان فيه حليب كامل الدسم واحكمي غلق المرطبان
ضعيه على مقربه من نافذة معرضه لاشعة الشمس ليومين وبعدها اسحقي الخليط حتى يتجانس القوام
ثم وزعي الماسك على بشرتك واتركيه الا ان يجف
وبعدها اشطفيه جيدا بالماء الفاتر
بشره نظيفه فعلا ومتغذيه

التمر والليمون لتفتيح البشره والجسم

ناخذ معجون التمر المهروس واضيفي له عصير الليمون
ويوزع على البشره او الجسم
سوف تلمسن توحد في اللون واختفاء اي اثار للبقع الداكنه او البثور

نوى التمر لتقوية رموشك وتكثيفها

يحرق نوى التمر ويسحق وينخل جيدا في شاش
فواائده ينبت اهداب العين
ويجعل البصر حاداً
ويسود العينين

كما ان اضافة القليل من زيت الخروع يمنحك رموشا قوية وكثيفه
ضعي المزيج في قنينه ضغيره واحكمي اغلاقها ثم اطلي اهدابك كل ليله قبل النوم

قناع التمر والقشدة لبشره مخمليه

ضعي ملء نصف كأس من التمر منزوع النوى في اناء على النار
واضيفي اليه القليل من الماء واستمري بالتقليب الا ان يتجانس قوامه
ثم ارفعيه من النار واضيفي القشدة والليمون
وبعدما يبرد المزيج ضعيه في البراد واستعملية يوميا ( يوم ايوه ويوم لا )
على الوجه بعد غسلة وتنظيفة جيده

اتركي الماسك على البشره من نصف ساعه الا ساعه
ثم اشطفيها بالماء الفاتر وجففيها وسيدهشك ملمس بشرتك وجمالها

خلطة التمر للبشره الشابة

امزجي تمره واحده مع صفار بيضة وعصير ليمونه والقليل من ماء الورد
واذا كانت بشرتك جافه او عاديه اضيفي ربع ملعقه من الزبده
اهرسي التمره واضيفي لها ساائر المكونات ووزعي الماسك على بشرتك واتركيه ساااعه او اكثر
ثم قومي بغسل الوجه بالماء البارد
هذه البشره تغذي البشره وتمحو التجاعيد ولا تساعد على تكوينها لوواضبنا عليها 3 مرات اسبوعيا

علاج ل قشرة الشعر

تقول خبيرة التجميل أوشكا بيتروف

إن علاجا ناجحا لقشره الرأس يتوفر في مطبخ كل بيت.. الخل.

وتنصح بيتروف بتدليك فروة الرأس بخليط من خل الفواكه الذي يتميز بأن

رائحته غير منفرة مضافة إليه كمية مماثلة من الماء في أعقاب غسيل الشعر

اليومي. كما توصي بإضافة أربعة ملاعق من الملح إلى الماء الذي يستخدم في

الغسيل الاخير.

وتقول الخبيرة الالمانية التي ألفت عدة كتب عن التجميل إن استخدام هذا

العلاج الطبيعي لمدة ثلاثة أسابيع له مفعول السحر في القضاء على دهن

فروة الرأس الزائد وهو السبب الرئيسي لقشر الشعر.

العناية بالقدمين

خصوصا أننا داخلين على الشتاء، ودايما بنعاني من مشكلة جفاف وتشقق جلد القدمين بس أنا شايفة إن الوقاية أهم من العلاج، علشان كده قبل ما أتكلم عن الوصفات الطبيعة هاتكلم على شوية نصائح هتساعدك على الوقاية من أي مشاكل ممكن إنها تقابلك...

1- لازم تهتمي جداً بالنظافة اليومية للقدمين عن طريقة إنك تغسليهم كل يوم بالماء والصابون أكثر من مرة، وعلى فكرة الوضوء خمس مرات في اليوم ممكن إنه يوفي بالغرض ده.

2- احرصي على تنشيف القدمين كويس جدا بعد غسلهم خصوصا المنطقة اللي بين الصوابع لعدم نمو الفطريات بين الأصابع.

3- حاولي وإنتِ بتختاري الأحذية إنك تختاري الأحذية المريحة لقدمك.

4- قللي من ارتداء الأحذية الضيقة والشرابات الثقيلة جداً، وكمان الأحذية المفتوحة زي (الصنادل)؛ لأن كل الحاجات دي بتخلي الرجْل تعرق جامد وكمان بتخلي الأتربة تدخل للقدمين بسهولة.

5- ممنوع ارتداء شراب واحد أكثر من 3 أيام حتى ولو كان نظيف، لأنه ممكن يكون فيه عرق مش ظاهر، وده ممكن يسبب رائحة كريهة وكمان ممكن يسبب عدوى فطرية.

6- حاولي إنك تختاري الشرابات من الأقمشة الطبيعية زي القطن والصوف والنايلون؛ لأن الأقمشة دي بتساعد على التنفس على عكس الأقمشة المصنوعة من البوليستر.

7- امشي دايماً حافية في البيت؛ لأن ده بيفيد الأقدام جداً، وبيقوي العضلات وخصوصاً عضلة الساقين.

8- احرصي على تدليك قدميك بحركات دائرية؛ لأن التدليك ده بيريّح الجسم بكامله، ويا ريت إنك تستعملي مقشّرا بشكل منتظم لإزالة الجلد الخشن والميت من منطقة الكعبين.

9- يا ريت وأنت في مصيف تستغلي الفرصة وتمشي حافية على الرملة الساخنة لأن الطريقة دي أحسن طريقة لتقوية جلد الكعبين.

ودلوقتي تعالي نشوف مع بعض شوية وصفات طبيعية ممكن إنك تعمليها في البيت بنفسك..

حمام الماء الدافئ لتطرية الجلد

كل اللي عليكِ إنك تحطي رجلك في وعاء فيه ماء دافئ بس بشرط إن المية تغطي الكعبين تماماً، ويا سلام لو ضفتي إلى المية دي بعض الأعشاب زي النعناع والزعتر والورد البلدي أو قطرات من زيت اللافندر "هتلاقيه عند العطار"، وبعد كده تعملي تدليك بأصابع إيديكي للكعبين بداية من الأصابع وحتى نهاية الكعبين..

ولو كنت عايزة تتخلصي من أي جلد ميت موجود يبقى عليكِ وعلى الحجر الصوان اللي بتجيبيه من عند العطار وتفركي بيه جلد الكعبين، وعلى فكرة ده مش بيشيل الجلد الميت وبس ده كمان بيقضي على المناطق الخشنة اللي ممكن إنها تكون موجودة في الكعبيين..

وبعد ما تخلصي ممكن إنك تدهني منطقة الكعبين بزيت عطري طبيعي زي زيت اللافندر أو الزيتون أو البابونج أو تحطي أي كريمات مرطبة خاصة بالكعبين.. وعلى فكرة الحمام ده ممكن تعمليه مرة كل أسبوع.

دهان الفازلين للتغلب عى التشقق

أما لو كنتِ بتشتكي من مشكلة تشقق الكعبين يبقى تتجنبي استعمال الماء الساخن في غسيل القدمين وخليكي في المية الباردة، واستخدمي صابون بيحتوي على مواد طبيعية زي صابونة زيت الزيتون أو الجلسرين؛ لأن الصابون ده بيحتوي على مواد طبيعية بتطري الجلد وبتمنع تشققه.. كمان ممكن إنك تدهني رجليكي بالفازلين الطبي أو الجلسرين كل يوم قبل ما تنامي.

آسئلة فى مشاكل عديدة تجيب عليها خبيرة تجميل $¨™¤¦¤™¨بيوتى سنتر ل البنات وبس \\مـتـجدد¨™¤¦¤™¨ Good$

كان عندي حبوب.. وعملت كل شيء بس ما فيش فايدة؟!

لازم تستشيري دكتور أمراض جلدية متخصص علشان يشوف لكِ الحبوب دي من إيه؛ لأنك ممكن تكوني بتاكلي حاجة غلط أو جسمك حساس من حاجة معينة، فالدكتور هيشوف أسباب ظهور الحبوب دي ويقدّم لك العلاج المناسب.. ولازم تمشي على العلاج اللي هيقول لك عليه بالضبط وتستمري عليه وما تكسليش.

أنا عندي حبوب كثيرة في وجهي.. وعلاج الدكتور كان كويس جداً بس بينشّف لي بشرتي؟!

ممكن تستعملي كريمات أو زيوت مرطبة على المناطق الجافة بس، وما تحطهوش على وشك كله زي زيت "بيبي جونسون" أو "الفازلين".

وبالنسبة للبقع اللي بتظهر في الوش بعد علاج الحبوب؟!

لو بعد العلاج الحبوب تركت أثر ممكن تعملي تقشير للبشرة عند دكتور متخصص.

إيه هو تقشير البشرة؟!

تقشير البشرة هو عبارة عن علاج تجميلي للبشرة، وبيعتمد على نوع البشرة ونوع البقع، والطريقة دي بتعالج أثار الحبوب وبتخلي البشرة شكلها أفضل وملمسها ناعم، ويا ريت بعد ما تعملي التقشير إنك ما تتعرضيش للشمس كتير وتحطي كريمات حماية من الشمس.

إيه أفضل كريم حماية من الشمس ممكن نستعمله؟!

فيه كريم اسمه "فوتو درم ماكس" وده موجود في أي صيدلية ولونه أورانج ودرجة حمايته 100% وممكن تحطيه قبل الميك أب.

إزاي أتخلص من الرؤوس السوداء؟!

الرؤوس السوداء بتكون موجودة في المناطق الدهنية زي منطقة القورة والأنف والذقن، والمشكلة دي ممكن تحليها بإنك كل يوم أو يومين بعد ما تخدي الدوش تجيبي فوطة ناشفة وتحاولي تضغطي بالراحة على أماكن الرؤوس دي.. في كمان حاجة اسمها "Nose on" ودي موجودة في الصيدلية بتجيبيها وتستعمليها لإزالة الرؤوس السوداء.

بشرتي دهنية والبودرة مش بتثبت عليها.. ودائماً تجيّر لما أتعرّض للشمس؟!

البشرة الدهنية لازم الميك أب بتاعها يكون "OIL FREE" أو خالٍ من الزيوت علشان ما يعملش مشاكل في البشرة وما يطلّعش حبوب..
ويُفضّل إنك تستعملي البودرة الكومبكت؛ لأنها بتعمل تغطية كاملة للبشرة وبتداري الحبوب وبتثبت على البشرة لفترة طويلة سواء كانت بشرتك دهنية أو عادية.

عندي 19 سنة.. وبشرتي مختلطة عايزة ماركة كريم للصبح وبالليل؟!

ممكن تستعملي كريم ماركة "لوريال" ده حلو أوي وبتحطيه على بشرتك في اتجاه عكس عقارب الساعة.

أظافري بتطلع ببطء أوي وكمان لما بتطلع بتكون ضعيفة أوي وعايزاها تبقى بيضاء وجامدة شوية؟!

المفروض إن كل بنت تهتم بأظافرها زي ما بتهتم ببشرتها وشعرها وممكن تدهني أظافرك بزيت زيتون دافئ كل يوم.. وعلى فكرة زيت الزيتون مفيد جداً؛ لأنه بيقوي الأظافر وبيخلي شكلها أبيض وصحي؛ لأن فيه نسبة فيتامينات مفيدة جداً وبتساعد كمان على تطويل الأظافر.

إزاي أتخلّص من السواد اللي في الكوع والركبة؟!

الأماكن دي ممكن تحطي لها حاجة تبيضها؛ زي الشبّة أو دقيق الذرة وده بيبقى عامل زي السنفرة شوية، وبتخلطيه مع ترمس مطحون وشوية لبن صغيرين وتعملي بالخليط ده ماسك على المناطق الغامقة في إيديكِ أو رجليكِ وبتعملي الماسك ده مرة أو مرتين في الأسبوع وهتلاقي نتيجة كويسة.

إزاي أشيل الكحل من جوه العين قبل ما أنام؟!

هو المفروض طبعاً إنك بتشيلي الميك أب قبل ما تنامي بمزيل ماكياج وفي منه على شكل مناديل وفيه على شكل سائل أو كريم.

عايزة ماسك للبشرة يخلّي بشرتي كلها لون واحد قبل الميك أب؟!

أول خطوة لازم تعمليها هي إنك تهتمي بتنظيف بشرتك كويس بالليل والصبح، وتستخدمي كريم حماية من الشمس علشان تحمي بشرتك من أشعة الشمس الضارة واللي بتعمل بقع غامقة في الوجه.
وده ماسك كويس أوي ممكن تعمليه مرة كل أسبوع علشان تفتحي بشرتك وتخليها كلها لون واحد..

المكونات:
- ملعقة خميرة.
- كمية صغيرة جداً من الماء.
- ملعقة عسل أبيض.
- ملعقة دقيق أبيض.

الطريقة:
بتذوبي ملعقة الخميرة في الماء وبعد كده تحطي العسل والدقيق وبتخلطي المكونات كلها مع بعض وبعد كده بتفردي الخليط ده على وشك ورقبتك؛ لأن ساعات بنعمل الوش وبننسى الرقبة خالص..
اتركي الماسك على بشرتك لمدة نص ساعة وبعد كده تشطفي بشرتك بماء عادي.

الكحل بيسيح من عيني.. أعمل إيه؟!

لو اختارتِ قلم كحل كويس مش هيسيح، وأحسن ماركة قلم كحل ممكن تستعمليها هي "فلوريل" وسعره مش غالي أوي يعني بيكون في حدود 20 أو 30 جنيها، بس فعلاً بيكون شكله حلو أوي في العين.
وفيه حاجة تانية ممكن تعمليها علشان الكحل ما يسيحش وهي إنك تحطي لوس باودر "البودرة السايبة" تحت عينيكِ قبل ما تحطي الكحل وبعد ما تخلصي وضع الكحل بتشيلي البودرة الزائدة بفرشة البلاشر.

عايزة حاجة تثبت الميك أب لمدة طويلة؟

فيه حاجة اسمها "ميك أب إسبراي" وده بيتباع في الصيدليات الكبيرة وبترشيه على الوجه بعد ما تخلصي الميك أب، بس تاخدي بالك إنك ترشيه على بعد 30 سم من الوجه والإسبراي ده أنا بحطه للعرايس وللبنات اللي بتعمل ميك أب سواريه وده بيثبت الميك أب من 6 لـ 7 ساعات.

كنت عايزة أسأل عن البودرة المائية.. هل ممكن أستعملها؟!

أنا مش بانصح بالبودرة المائية خالص؛ لأنها بتضر البشرة جداً على المدى البعيد.

للعناية بالأظافر

جمال اليدين يبدأ من الإهتمام بجمال الأظافر التى تعتبر عنوان جمال اليدين و الأظافر الناعمة القوية المعتنى بها مصدر لجمال حواء فالأظافر المهملة تشوه جمال اليدين فضلا عن إصابتها ببعض المشاكل مثل التشقق و سرعة الإنكسار و التقصف..

و طريقة العناية بالأظافر تبدأ من مراعاة التغذية الصحيحة و الحصول على كميات كافية من الكالسيوم و أهم المأكولات التى تساعد على تقوية الأظافر الردة و الثوم و البصل و البقدونس و الكرفس و الخس.

و لتنظيف الأظافر و تقليمها يجب إستعمال المبرد الورقى كبديل للمبرد المعدنى مع مراعاة تحريك المبرد عند إستعماله فى إتجاه واحد فإذا بدأت من أحد الركنين فإتجهى به إلى المنتصف ثم إلى الركن الأخر.

ويجب أن تقومى بتنظيف أظافرك بعد التأكد من جفاف البشرة (بشرة اليد) تماما و لا داعى للقيام بهذه العملية إذا كنت قد وضعت يديك فى الماء لفترة طويلة لأن الأظافر فى هذه الحاله تكون لينه و تتعرض للتقصف بسهولة و يصف الطب الشعبى عدة وصفات للعنايه بالأظافر منها:

• زيت الزيتون و اللوز لطلاء الأظافر:
للحصول على أظافر قوية نظيفة خالية من التقصف يمكن طلاء الأظافر بمزيج مكون من زيت الزيتون و زيت اللوز مع دلك الأصابع بهما فى الليل قبل النوم و ترك المزيج على الأظافر حتى الصباح.

لجمـــــــــال أسنانك

يؤكد خبراء التجميل أن جمال الأسنان يلعب دورا هاما فى إكتمال لوحة جمالك و توصلت الأبحاث العلمية إلىجدوى إستعمال الأعشاب و النباتات كبديل ناجح للإستمتاع بأسنان لامعة براقة و نظيفة

ويصف الطب الشعبى عدة وصفات منها:

• أوراق القصعين لنظافة الأسنان:
تستخدم أوراق القصعين للحصول على أسنان لامعة و نظيفة عن طريق فرك تلك الأوراق على الأسنان مع مراعاة عدم الضغط على اللثة و أن يكون ذلك برفق.

• نقيع الأعشاب لنظافة الفم و إنعاشه:
يستخدم نقيع العديد من الأعشاب كوسيلة ناجحة لنظافة الفم و إنعاشه منها نقيع النعناع الفلفلى و النعناع العطرى و الخزامى و إكليل الجبل و القصعين و المردكوش و الصعتر على أن تتم عملية مضمضة و تكرار العملية عدة مرات.

• البقدونس و القرنفل لإزالة إصفرار الأسنان:
كما يصف الطب الشعبى أوراق البقدونس و القرنفل لإزالة إصفرار الأسنان و ذلك عن طريق الدلك المباشرة للأسنان مع مراعاة عدم الضغط الشديد على اللثة.

• بودرة الأعشاب لجمال أسنانك :
وحاليا تستخدم بودرة الأعشاب كمنظف جيد للأ و تتكون تلك البودرة من ملعقة من بدرة إكليل الجبل المجفف و ملعقة من القصعين المجفف و ملعقة نشا و ملعقة من بودرة جذور الزنبق و نصف ملعقة جذور نبات السوس مختلطة جميعها و يتم الإستخدام بواسطة فرشاة أسنان رطبة.

لجمـــــــــال شفتيك

$¨™¤¦¤™¨بيوتى سنتر ل البنات وبس \\مـتـجدد¨™¤¦¤™¨ Lips$

تحتاجالشفاه الى التطرية والحماية والعناية بانتظام كبقية اجزاء الوجة ولعل التشقق والجفاف من اهم العيوب التى تؤثر بالسالب على جمال وجة حواء وبصفة عامة ننصح بالإكثارمن تناول الفواكه والخضروات الطازجة الغنية بالفيتامين ب الذى يساهم بإجابية
فى علاج تشقق الشفاه كما يصف الطب الشعبى عدده وصفات لجمال الشفاه منها:

• مرهم زيت اليقطين وجوز الهند:
لعلاج تشقق الشفاه يمكن استخدام مرهم مكون من زيت جوز الهند ونصف ملعقة من زبده الكاكاوى وملعقة من زيت اليقطين ويتم عمل المرهم بازابة كل المكونات السابقة مع بعضها فى برطمان زجاجى صغير ونضعة على قدر من الماء الساخن " حمام ماء ساخن " بعد غلق البرطمان جيدا مع تحريك البرطمان حتى الامتذاج التام ثم تركة حتى يبرد ثم استخدام المرهم كابديل لزبدة الكاكاو المتعارف عليها.

• كريم العسل لتجميل الشفاه:
ومن افضل الوصفات المستخدمة لتجميل الشفاه كريم العسل الموكن من ملعقة عسل نحل ونصف ملعقة شمع عسل وملعقتين من زيت اللوز ويتم عمل الكريم بازابة العسل مع شمع العسل ثم اضافة زيت اللوز ونضعهم فى برطمان زى غطاء محكم ومزجهم جيدا ثم الاستعمال يوميا.

•كريم النعناع الفلفلى للشفاه:
يعتبر النعناع الفلفلى من اشهر انوع الكريمات التى تتميز باعطاء رائحة جميلة ومقبولة للشفاه ويتم عملة باستخدام ملعقة من شمع العسل وملعقة من زيت الكاكاو وخمسة قطرات من زيت النعناع الفلفلى ويتم عمل الكريم باذابة شمع العسل فى البرطمان الزجاجى الموضوع فى الماء الساخن ثم اضافة زبدة الكاكاو ثم اضافة زيت النعناع الفلفلى وتغطية البرطمان ورجة جيدا ثم الاستخدام بمعدل ثلاث مرات يوميا.

اسباب ظهور الهالات السوداء وعلاجها

اسباب ظهور الهالات السوداء تحت العينين
1- النوم المتأخر يؤدى الى ارهاق العين وظهور الهالات السوداء
2-تعرض الجسم لفقر دم( انيميا)
3-الاجهاد النفسى والجسمانى
4-نقص معدن الحديد من الجسم

علاج الهالات الغامقة تحت العين
الخيار .. لتبيض جلد العين
المداومة على كمدات من شرائح الخيار
وذلك بتغميض العينين ووضع شريحة الخيار فوق كل عين
مع الاسترخاء لمدة 15 دقيقة

الشاي... لعلاج الهالات السوداء

عمل كمدات شاى دافئ لمدة 10 دقائق
تليها كمادات شاى بارد لمدة 5 دقائق

النعناع الاخضر

يطحن النعناع جيدا ويوضع تحت العين لمدة نصف ساعة
ثم يغسل بماء دافى

مع تجنب الاجهاد النفسى او الحسمانى واخذ قطر كافى من النوم وتناول الغذاء الصحى غنى بمعدن الحديد

» صور لاسماء البنات
» كاريكاتيرات عن البنات
» اجمل اسماء البنات
» تطور خطوبه البنات
» هذي تفسير اسماء البنات