A7labeet
عدد المساهمات : 11990
تاريخ التسجيل : 20/05/2010
  |  موضوع: للكوسة في بلادي شئون  الإثنين 13 يونيو 2011, 7:10 pm | |
| من أشعار / سالم صلاح
للكوسة في بلادي شؤون
بتخلي المسنود فرعون ...... يتفرعن فين مهما يكون
وتخلي الجاهل أستاذ ...... والأعرج لاعب جمباز
وتخلي الأحول هداف ...... والكوره الآوت ف الجون
للكوسه ف بلادي شئون
لو تعرف واحد ف الشرطه ...... راح تخرج من أجدع ورطه
والراجل اللي انت ظلمته ...... تلاقيه متلقح مسجون
أو تعرف شخصيه كبيره ...... شغاله ف البنك مديره
راح تاخد من غير ضمانات كام قرض بمليون مليون ...... وهروبك طبعا مضمون
ويا عيني لو تعرف نايب ...... ف المجلس مش نايب خايب
راح تبني أبراج وهميه ...... أوراقها مظبوطه أكيد
وفلوس الناس المهريه ...... حتجيلك م الجيب للإيد
بعديها تروح المستشفى ...... وتقيد نفسك مجنون
[ندعوك للتسجيل في المنتدى أو التعريف بنفسك لمعاينة هذه الصورة]
أحكامك تسقط ف ساعتها ...... بعديها ترجع موزون
ويا عيني لو تعرف شيخ فجنابك طاهر علطول ...... وصيامك طبعا مقبول
وإذا فرضا حبيت تتجوز ...... تتجوز من غير مأذون
وإذا ساكن ف عماره جديده ..... وحبيبك راجل مسئول
فسيادتك من غير ما تقول ......يركب لك فورا تليفون
ولو انت عندك عربيه ونمرها سوده بنسرين ...... حتعدي أجدعها كمين
وحتكسر أوضحها إشاره ...... ماهو نمرك سوده جباره ولا تعرف أيتها قانون
ولو انت بتعرف فران ...... أو واحد بياع جرنان
راح تاخد طلبك وحتمشي ...... من غير ولا دوشه ولا دور
والناس الغلبانه حتاخد ...... طلباتها بعدك وتغور ماهو كله غيرك بيهون
ولو انت زميل الحلاق ...... راح تحلق اولها زبون
[ندعوك للتسجيل في المنتدى أو التعريف بنفسك لمعاينة هذه الصورة]
وإذا كنت بتعرف دكتور ...... حتعيش متطمن مسرور
[ندعوك للتسجيل في المنتدى أو التعريف بنفسك لمعاينة هذه الصورة]
وحتسلك ف لجان الشفوي ...... ومجال تعيينك موفور
وحتطلع فالتليفزيون ...... بالبدله وفيها الببيون
تتكلم وبكل بساطه ...... عن شرف المهنه المدفون
لكن لو شاعر غلبان قال اللي ف نفسه علطول ...... حيقولو مين قال لك قول
ويهاجمك مليون إنسان ...... والتهمه أنك فنان
مش برضه كلامي يا جدعان حسينه.. ولا أنا غلطان
مش معني كلامي يا أحبابنا .... إن احنا خلاص اتغربنا
فيه فينا أشراف و كتير ... اتربوا علي حب الخير
و احترموا ولادهم و الغير ....و الناس احترمتهم و الله
الفاتحه علي روحهم يالا |
|
nour
عدد المساهمات : 2417
تاريخ التسجيل : 16/06/2010
| | موضوع: رد: للكوسة في بلادي شئون الثلاثاء 14 يونيو 2011, 1:14 pm | |
| |
|
