سبانخ باللحمة المفرومة

المقادير
اسرة من 5 افراد
كيلو سبانخ و معاهم حزمة كزبرة او حزمة مشكلة
كيلو لحم مفروم او اقل حسب ما تحبي
بصلتين كبار
كام فص ثوم
معلتين زبدة او اي نوع سمنة تحبيها
شوية زيت صغيره
ملح و فلفل اسود و شطة لو بتحبي الاكل مشطشط
0.5 كيلو طماطم (شفشق عصير طماطم) ومعلقتين صلصة
طريقة التحضير
قطعي البصل و شوحية على النار مع معلقة زبدة وزيتاما البصل يصفر شوية
حطي اللحمة المفرومة وقلبي لحد ما تستوي وتشرب مايتها
تكوني غاسلة السبانخ والخضرة ومقطعها وسايباها في المصفى
تحطيها علي اللحمة وتقلبي لحد ما تزل مايتها وبعدين تحطي عصير الطماطم
وتحطي التوابل ملح وفلفل وشوية شطة لحد ما تستوي السبانخ والطماطم تتسبك
قبل ما تطفي بشوية فصين ثوم كدة مع شوية كزبرة ناشفة ونعميهم شوية
وفي معلقة زبدة مع الزيت على النار وانزلي بيهم على السبانخ وكام دقيقة واطفي النار
بالهنا والشفا علي قلبك مع شوية ارز ابيض بالشعرية وطبق السلاطة